Adat Kayan, men Lake’ Baling
Tegu duman 1961, Lake’ Baling Avun nyurat bup alam dahun Kayan, Adat-adat bangsa Kayan. Lake’ Baling te’ ha sekolah Melayu duma duman tegu iha’ nyam. Kurin daha’, iha’ dem men daha’ tebin na’ alang jadi tei te’ sekolah. Tegu duman 1961, Lake’ Baling 50 duman, umun na’. Tegu anan, iha’ Tua Kampong Uma Aging.
Bup anih bagi dua. Bagian I bara Adat Dipui Apo Lagan. Bagian 2 bara adat Bungan. Men tahari Bagian 1, te’ kah asen parei dahin asen nyeho’. Kurin Lake’ Baling, Adat Bungan sayu men uh Adat Dipui. Alem adat Bungan, em te’ tepang mahan la’an, em te’ nyeho’, em te’ lali alang dara. Lake’ Baling nyurat buku anih ureh lim daha’ alang Kayan jam Adat Bungan.
Lake’ Baling ma’ih bup anih men Tom Harrisson, alang Ketua Muzium Sarawak tegu anan, tapi Tom jan jadi mencetak na’. Tegu duman 1967, Tom leka’ men Sarawak dahin hawan na’, Barbara, atang daleh Amerika. Tegu duman 1971, dawa’ puli. Tom bulak ha daleh Belgium, tapi surat na’ marong daleh ‘un Borneo melak dahin hawan na’. Tegu duman 1974, Tom ma’ih lim surat anan men akuy; dahin surat anan, the’ pah bup Adat-adat bangsa Kayan anih. (Tegu akui meloh te’ Uma Bawang, men 1970 atang 1972, jan payan kui jam te’ na’.) Tegu duman 1974, akui uli ngelua’ ha daleh Balui. Akui duan dahin Lake’ Baling marong bup na’. Uh anan, akui duan dahin Lake’ Avun Ngo, alang dayong aya’ te’ Uma Bawang. Iha’ tulong akui lim kah, ureh akui jam leti lim-lim ket te’ alem bup anih. Uh anan, akui nemei eja’an, avin Lake’ Baling nyehu kui na na’.
